ବଲାଙ୍ଗିର, (କେପିଏନ୍ଏସ୍) : ସ୍ଥାନୀୟ ସାମ୍ବାଦିକ ଭବନ ସମ୍ବିଳନୀ କକ୍ଷରେ ନିଖିଳ ଉତ୍କଳ ପ୍ରାଥମିକ ଶିକ୍ଷକ ଫେଡେରେସନ୍ ପକ୍ଷରୁ ରାଜ୍ୟସ୍ତରୀୟ ଆଲୋଚନାଚକ୍ର ଅନୁଷ୍ଠିତ ହୋଇଯାଇଛି । ବରିଷ୍ଠ ଶିକ୍ଷକ ମଧୁସୂଦନ ନାୟକଙ୍କ ସଭାପତିତ୍ୱରେ ଅନୁଷ୍ଠିତ ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଲୋଇସିଂହା ବିଧାୟକ ଡ. ମୁକେଶ ମହାଲିଙ୍ଗ, ଅତିଥି ଭାବେ ଆଚାର୍ଯ୍ୟ ସୁଚିତ୍ରା ସୁନା, ଆଚାର୍ଯ୍ୟ ଆନନ୍ଦ ଯୋଷୀ, ଗୌରାଙ୍ଗ ଚରଣ ମଲ୍ଲିକ, ମୁକୁନ୍ଦ ମାହାରା ଓ ନିଳାଞ୍ଚଳ ପୁରୋହିତ ଯୋଗଦାନ କରିଛନ୍ତି । ବଲାଙ୍ଗିର ଜିଲ୍ଲା ଶାଖାର ସମ୍ପାଦକ ହରେକୃଷ୍ଣ ରଥ ସ୍ୱାଗତ ସମ୍ଭାଷଣ ପ୍ରଦାନ କରିଥିବା ବେଳେ ଦିବଙ୍ଗତ ଶିକ୍ଷକମାନଙ୍କ ଉଦ୍ଦେଶ୍ୟରେ ୨ ମିନିଟ ନିରବ ପ୍ରାର୍ଥନା କରାଯାଇଥିଲା । ଏହି କାର୍ଯ୍ୟକ୍ରମରେ ଆନୁଷ୍ଠାନିକ ଆଲୋଚନା କରିବା ସହ କର୍ମକର୍ତ୍ତା ମନୋନୀତ କରାଯିବ ବୋଲି ସୂଚନାରେ କୁହାଯାଇଛି ।