ପଦ୍ମପୁର, (ନିରୋଜ କୁମାର ପାଣୀ) : ଆଜି ବରଗଡ ଜିଲ୍ଲା ପଦ୍ମପୁର ଉପଖଣ୍ଡ ଗାଇସିଲେଟ ବ୍ଲକର ଭାଙ୍ଗମୁଣ୍ଡା ଗ୍ରାମରେ ମର୍ଯ୍ୟାଦା ପୁରୁଷୋତ୍ତମଙ୍କର ଶ୍ରୀରାମଙ୍କର ପ୍ରାଣ ପ୍ରତିଷ୍ଠା ଦିବସରେ ଦୀପାବଳୀ ପାଳନ କରାଯାଇଛି । କୋଶଲ ରାଜ୍ୟ ମୁକ୍ତି ମୋର୍ଚ୍ଚା ଗାଇସିଲେଟ ବ୍ଲକର ସଭାପତି ଗଜପତି ସାହୁଙ୍କର ନେତୃତ୍ୱରେ କୋଶଲ ରାଜ୍ୟ ଦାବୀ ନେଇ ୧୦୦୦ ପୋଷ୍ଟକାର୍ଡ ରାଷ୍ଟ୍ରପତିଙ୍କ ପାଖକୁ ପଠାଯାଇଛି । ସବୁବେଳେ ଓଡିଶା ସରକାର ପଶ୍ଚିମ ଓଡିଶାକୁ ଶିକ୍ଷା, ସ୍ୱାସ୍ଥ୍ୟ, ଗମନା ଗମନ ସବୁ କ୍ଷେତ୍ରରେ ଅବହେଳା କରୁଛନ୍ତି ବୋଲି ଅଭିଯୋଗ ହେଉଛି । ତେଣୁ ଦୀର୍ଘ ବର୍ଷରୁ କୋଶଲ ରାଜ୍ୟ ଆନ୍ଦୋଳନ ଚାଲିଛି । ଏହି ଆନ୍ଦୋଳନକୁ ଆହୁରି ଆଗକୁ ନେବା ପାଇଁ କୋଶଲ ରାଜ୍ୟ ମୁକ୍ତି ମୋର୍ଚା ଗାଇସିଲେଟ ବ୍ଲକରୁ ମହାମହିମ ରାଷ୍ଟ୍ରପତିଙ୍କ ପାଖକୁ ୧୦୦୦ ପୋଷ୍ଟକାର୍ଡ ପଠାଯାଇଛି । ଏହି ଅଭିଯାନ ଗାଇସିଲେଟ ବ୍ଲକର ସମସ୍ତ ଗ୍ରାମରୁ ପ୍ରାୟେ ଏକ ଲକ୍ଷ ପୋଷ୍ଟକାର୍ଡ ପଠାଯିବ ବୋଲି ନିଷ୍ପତ୍ତି ନିଆଯାଇଛି । ଏହି ପୋଷ୍ଟକାର୍ଡ ଆନ୍ଦୋଳନ ଆଗକୁ ଜାରି ରହିବ ଓ ସମସ୍ତ ଜିଲ୍ଲାର କୋଶଲ ପ୍ରେମୀ ଓ ଜନସାଧାରଣ ମାନଂକୁ ଏହି ପ୍ରୟାସରେ ସାମିଲ ହେବାକୁ ଗଜପତି ସାହୁ ଆହ୍ୱାନ କରିଛନ୍ତି । ଆଜିର ଏହି କାର୍ଯ୍ୟକ୍ରମରେ ପ୍ରଶାନ୍ତ ସାହୁ, ସରୋଜ ସାହୁ, ସରୋଜ ବେହେରା, ପୁରୁଷୋତ୍ତମ ସାହୁ, ଗୋକୁଳାନନ୍ଦ ସାହୁ, ରାଏମତୀ ନାଏକ ପ୍ରମୁଖ ବହୁ ସଂଖ୍ୟାରେ ଗ୍ରାମବାସୀ ସାମିଲ ଥିଲେ ।