କଂଟାବାଂଜି, (ମନିଷ କୁମାର ହଂସ) : ବଲାଙ୍ଗିର ଜିଲ୍ଲା କଂଟାବାଂଜି ଅବକାରୀ ଥାନା ଦ୍ୱାରା ଗତକାଲି ଦିନ ପେଟ୍ରୋଲିଂ ବେଳେ କଂଟାବାଂଜି ଥାନା ରଜାମରା ଗ୍ରାମ ନିକଟରେ ଜଣେ ବ୍ୟକ୍ତିକୁ ଅବକାରୀ ବିଭାଗ ଗିରଫ କରିଥିବା ସୂଚନା ମିଳିଛି । ସୂଚଦା ଅନୁସାରେ ଚଢଉ ବେଳେ ଅଭିଯୁକ୍ତ ପାଣ୍ଡବ ରଣା (୪୪)ଠାରୁ ଦେଶି ମହୁଳି ୨୦୦ଟି ପାଉଚ ଜବତ କରିଛି । ଅବକାରୀ କେସ ନଂ. ୮୧/୨୬, ୧୨/୨୦୨୧ ମାମଲା ରୁଜୁ କରି କଂଟାବାଂଜି କୋର୍ଟ ଚାଲାଣ କରାଯାଇଛି । କଂଟାବାଂଜି ଅବକାରୀ ଥାନାରେ ବୁଦ୍ଧଦେବ ପୁଟେଲ ଗତ ଡିସେମ୍ବର ୬ ତାରିଖରେ ନୂତନ ଭାବେ କାର୍ଯ୍ୟଭାର ଗ୍ରହଣ କରିବା ମଧ୍ୟରେ ୯ଟି ମାମଲା ରୁଜୁ କରି ୧୧ଜଣଙ୍କୁ କୋର୍ଟ ଚାଲାଣ କରିଥିବା ସୂଚନା ମିଳିଛି । ଏହି ଚଢାଉ ବେଳେ କଂଟାବାଂଜି ଅବକାରୀ କର୍ମଚାରୀ ମମତା ବେହେରା, ଦେବାର୍ଚ୍ଚ ଭୁଏ ସହ ଅନ୍ୟମାନେ ସାମିଲ ଥିଲେ ।