- ପ୍ରଧାନମନ୍ତ୍ରୀଙ୍କ କ୍ରିଏଟ୍ ଇନ୍ ଇଣ୍ଡିଆ ସଂକଳ୍ପକୁ ସାକାର କରିବ ଏହି ପ୍ରତିଭା ଅନ୍ୱେଷଣ ପ୍ରତିଯୋଗିତା
ବେଙ୍ଗାଲୁରୁ, (ପିଆଇବି) : ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ‘କ୍ରିଏଟ୍ ଇନ୍ ଇଣ୍ଡିଆ’ (ଭାରତରେ ନିର୍ମାଣ) ସଂକଳ୍ପକୁ ସାକାର କରିବା ଲାଗି ଦେଶର ଅଗ୍ରଣୀ ଏଭିଜିସି (ଏନିମେସନ, ଭିଜୁଆଲ ଇଫେକ୍ଟସ୍, ଗେମିଂ ଓ କମିକ୍ସ) ସଂଘ-ଏବିଏଆଇ ଦ୍ୱାରା ଡବ୍ଲୁଏଏଫଏକ୍ସ ୱେଭ୍ସ ଭିଏଫଏକ୍ସ ଚାଲେଞ୍ଜର ଶୁଭାରମ୍ଭ ଘୋଷଣା କରାଯାଇଛି । ଭିଜୁଆଲ ଇଫେକ୍ଟସ୍ (ଭିଏଫଏକ୍ସ) କ୍ଷେତ୍ରରେ ଭାରତର ଦୃଢ଼ ପ୍ରତିଭା ଇକୋସିଷ୍ଟମକୁ ଆବିଷ୍କାର କରିବା, ଲୋକଲୋଚନକୁ ଆଣିବା ଏବଂ ପ୍ରୋତ୍ସାହନ ଦେବା ଉଦ୍ଦେଶ୍ୟରେ ଡବ୍ଲୁଏଏଫଏକ୍ସ ଚାଲେଞ୍ଜକୁ ପ୍ରସ୍ତୁତ କରାଯାଇଛି । ଭାରତର ଚଳଚ୍ଚିତ୍ର ଏବଂ ଗଣମାଧ୍ୟମ ଶିଳ୍ପରେ ଭିଜୁଆଲ ଇଫେକ୍ଟରେ ଅଭୂତପୂର୍ବ ଅଭିବୃଦ୍ଧି ଘଟିଥିବା ବେଳେ ଏହି ଜାତୀୟ ପ୍ରତିଯୋଗିତାର ଉଦ୍ଦେଶ୍ୟ ହେଉଛି ଶିଳ୍ପର ଚାହିଦା ପୂରଣ କରିବା ଏବଂ ବିଶ୍ୱ ସ୍ତରରେ ଭାରତର ପ୍ରତିଦ୍ୱନ୍ଦ୍ୱୀ କ୍ଷମତା ଏବଂ ଦକ୍ଷତାକୁ ଆଗକୁ ବଢ଼ାଇବା ପାଇଁ ନୂଆ ପିଢ଼ିର ଭିଏଫଏକ୍ସ ପେସାଦାରଙ୍କୁ ପ୍ରସ୍ତୁତ କରିବା । ନିଜର ସୃଜନଶୀଳତା ଏବଂ କାହାଣୀ ପାଇଁ ବିଶ୍ୱସ୍ତରରେ ସ୍ୱୀକୃତିପ୍ରାପ୍ତ ଭାରତୀୟ ସିନେମା ବର୍ତ୍ତମାନ ବିଶ୍ୱସ୍ତରୀୟ ମାନଦଣ୍ଡରେ ଆନ୍ତର୍ଜାତୀୟ ସମକକ୍ଷଙ୍କ ସହ ପ୍ରତିଦ୍ୱନ୍ଦ୍ୱିତା କରୁଛି, କାରଣ ଏହାର ଅଧିକାଂଶ ବିକାଶ ଆମର ଭିଏଫଏକ୍ସ ଦକ୍ଷତା ପାଇଁ ହୋଇଛି । ଏହି ଅଭିବୃଦ୍ଧି ସତ୍ତ୍ୱେ, ବଢୁଥିବା ଚାହିଦା ପୂରଣ କରିବା ପାଇଁ ଏହି କ୍ଷେତ୍ରରେ ଦକ୍ଷ ପେସାଦାରଙ୍କ ଅଭାବ ରହିଛି, ଯାହା ନିରନ୍ତର ଶିଳ୍ପ ଅଭିବୃଦ୍ଧି ଲାଗି ଭିଏଫଏକ୍ସରେ ଦକ୍ଷତା ବିକାଶ ଏବଂ ନିୟୋଜନକୁ ଗୁରୁତ୍ୱପୂର୍ଣ୍ଣ କରିଛି । ଯୁବ ପ୍ରତିଭାମାନଙ୍କୁ ଖୋଜିବା ଏବଂ ସେମାନଙ୍କୁ ଏଭିଜିସି କ୍ଷେତ୍ରରେ ଆକର୍ଷଣୀୟ ସୁଯୋଗ ପାଇଁ ପ୍ରସ୍ତୁତ କରିବା ପାଇଁ ଡବ୍ଲୁଏଏଫ୍ଏକ୍ସ ୱେଭ୍ସ ଭିଏଫଏକ୍ସ ଚ୍ୟାଲେଞ୍ଜ- ଏବିଏଆଇର ପ୍ରମୁଖ ପ୍ରତିଯୋଗିତା ପ୍ରସ୍ତୁତ କରାଯାଇଛି । ଏବିଆଇର ସଭାପତି ତଥା ଟେକ୍ନିକୋଲର ଗ୍ରୁପର ଏସିଆ ପ୍ରଶାନ୍ତ ମହାସାଗରୀୟ ପରିଚାଳନା ନିର୍ଦ୍ଦେଶକ ଶ୍ରୀ ବିରେନ ଘୋଷ ବ୍ୟବସାୟ ପାଇଁ ଡବ୍ଲୁଏଏଫଏକ୍ସ ଏବଂ ୱେଭ୍ସର ବିଶେଷ ଗୁରୁତ୍ୱ ଉପରେ ଆଲୋକପାତ କରିଛନ୍ତି । ବୈଷୟିକ ଉନ୍ନତି ଏବଂ ଅତ୍ୟାଧୁନିକ ଇମର୍ସିଭ କଣ୍ଟେଣ୍ଟ ଗ୍ରାହକଙ୍କ ଅଭିଜ୍ଞତାକୁ ବଢ଼ାଇବା ସହିତ ସୃଜନଶୀଳ କ୍ଷେତ୍ରରେ ଉଲ୍ଲେଖନୀୟ ପରିବର୍ତ୍ତନ ଆସୁଛି ବୋଲି ସେ କହିଛନ୍ତି । ‘‘ଆମେ ଏହି ନୂତନ ଅର୍ଥବ୍ୟବସ୍ଥା ପ୍ରବେଶ କରିବା ସହିତ, ଚିତ୍ର ଓ କାହାଣୀ ଟିଭି ଓ ଚଳଚ୍ଚିତ୍ରଠାରୁ ଆଗକୁ ବଢ଼ି ସଂଗ୍ରହାଳୟ, ବିମାନବନ୍ଦର ଏବଂ ସର୍ବସାଧାରଣ ସ୍ଥାନରେ ପହଞ୍ଚିଛି । ଏହା ଅଭିନବତାକୁ ପ୍ରୋତ୍ସାହିତ କରିବ ଏବଂ ନୂତନ ଦକ୍ଷତା ପ୍ରତିଭା ଓ ବିବିଧ ନିଯୁକ୍ତି ସୁଯୋଗକୁ ପ୍ରୋତ୍ସାହିତ କରିବ,’’ ଶ୍ରୀ ଘୋଷ କହିଛନ୍ତି । କର୍ଣ୍ଣାଟକ ସ୍ଥିତ ଏଭିଜିସି-ଏକ୍ସଆର ଶିଳ୍ପ ପାଇଁ ଅଗ୍ରଣୀ ବାଣିଜ୍ୟ ସଂଘ ଏବିଏଆଇ ସମସ୍ତ ଉଦୀୟମାନ ଭିଜୁଆଲ ଇଫେକ୍ଟ କଳାକାରଙ୍କୁ ଚମତ୍କାର ଭିଏଫଏକ୍ସ ମାଷ୍ଟରପିସ୍ ତିଆରି କରିବା ପାଇଁ ପଦକ୍ଷେପ ନେବାକୁ ଆହ୍ୱାନ ଦେଇ ‘ୱାଫ୍ ଏକ୍ସ ଚ୍ୟାଲେଞ୍ଜ’ର ଜାତୀୟ ପଦକ୍ଷେପ ଆରମ୍ଭ କରିଛି । ପ୍ରଥମ ପର୍ଯ୍ୟାୟରେ ଏକ ଅନ୍ଲାଇନ୍ ଯୋଗ୍ୟତା ପର୍ଯ୍ୟାୟ ରାଉଣ୍ଡ ଅନୁଷ୍ଠିତ ହେବ ଯେଉଁଥିରେ ଆମେ ୨୦୦୦+ ଆବେଦନ ଆଶା କରାଯାଉଛି, ଯେଉଁଥିରୁ ‘ପ୍ରି-ସିଲେକ୍ସନ’ ବିଚାରକ ୧୦ ଜଣ ଛାତ୍ର ଏବଂ ୧୦ ଜଣ ବୃତ୍ତିଗତ ପ୍ରତିଯୋଗୀଙ୍କୁ ଦ୍ୱିତୀୟ ପର୍ଯ୍ୟାୟକୁ ଯିବା ଏବଂ ଜୋନାଲ ସ୍ତରୀୟ ବ୍ୟକ୍ତିଗତ ପ୍ରତିଯୋଗିତାରେ ଭାଗ ନେବା ପାଇଁ ଚୟନ କରିବେ । ଏହାପରେ ଜୋନାଲ ବିଜେତାମାନେ ଗ୍ରାଣ୍ଡ ଫିନାଲେରେ ପ୍ରବେଶ କରିବେ ଯାହା ଜାତୀୟ ପୁରସ୍କାର ବିଜେତା ପ୍ରସିଦ୍ଧ ଭିଏଫଏକ୍ସ ସୁପରଭାଇଜରଙ୍କୁ ନେଇ ଗଠିତ ଗ୍ରାଣ୍ଡ ଜୁରି ସମ୍ମୁଖରେ ୨୪ ଘଣ୍ଟିଆ ଭିଏଫଏକ୍ସ ମାରାଥନ ଫର୍ମାଟରେ ଅନୁଷ୍ଠିତ ହେବ । ଡବ୍ଲ୍ୟୁଏଏଫ୍ଏକ୍ସରେ ଅଂଶଗ୍ରହଣକାରୀ ମାନେ ୩୦ ସେକେଣ୍ଡର ଭିଏଫଏକ୍ସ କ୍ଲିପ୍ ମାଧ୍ୟମରେ “ଡେଲି ଲାଇଫ୍ ସୁପରହିରୋ” ବିଷୟବସ୍ତୁକୁ ପ୍ରଦର୍ଶିତ କରିବେ ଏବଂ ଯୋଗ୍ୟତା ପର୍ଯ୍ୟାୟରେ ଅନଲାଇନରେ ସେମାନଙ୍କ କାର୍ଯ୍ୟ ଦାଖଲ କରିବେ । ପ୍ରତିଯୋଗିତାରେ ୫ ଲକ୍ଷ ଟଙ୍କା ପର୍ଯ୍ୟନ୍ତ ପୁରସ୍କାର ଏବଂ ଅନ୍ୟ ଉପହାର ରଖାଯାଇଛି । ସେମାନେ ସ୍ୱତନ୍ତ୍ର ଷ୍ଟୁଡିଓ ଇଣ୍ଟର୍ନସିପ୍ ମଧ୍ୟ କରିବେ । ଅନଲାଇନ୍ କ୍ୱାଲିଫାୟର୍ସ ବିଜେତାମାନେ ଚଣ୍ଡିଗଡ଼, ମୁମ୍ବାଇ, ବେଙ୍ଗାଲୁରୁ ଏବଂ କୋଲକାତାରେ ହେବାକୁ ଥିବା ଜୋନାଲ ଫାଇନାଲ୍ସରେ ପ୍ରବେଶ କରିବେ, ଯେଉଁଠାରେ ସେମାନେ ବିଶିଷ୍ଟ ଶିଳ୍ପ ବିଶେଷଜ୍ଞଙ୍କ ଏକ ପ୍ୟାନେଲ ସମ୍ମୁଖରେ ସେମାନଙ୍କ କାର୍ଯ୍ୟ ପ୍ରଦର୍ଶନ କରିବେ । ଫେବ୍ରୁଆରି ୫ରୁ ୯ ତାରିଖ ପର୍ଯ୍ୟନ୍ତ ଦିଲ୍ଲୀରେ ହେବାକୁ ଥିବା ୱେଭସ୍ ସମିଟ୍ର ଗ୍ରାଣ୍ଡ ଫିନାଲେରେ ଶ୍ରେଷ୍ଠ ଫାଇନାଲିଷ୍ଟମାନେ ଭାଗନେବେ । ଡବ୍ଲ୍ୟୁଏଏଫ୍ଏକ୍ସ ଚ୍ୟାଲେଞ୍ଜକୁ ଉଦ୍ୟୋଗ ବିଶେଷଜ୍ଞଙ୍କ ଏକ ବିଶିଷ୍ଟ ପ୍ୟାନେଲ୍ ଦ୍ୱାରା ବିଚାର କରାଯିବ । ଏଥିରେ ଆବେଦନ କରିବାକୁ ଚାହୁଁଥିବା ଭିଏଫଏକ୍ସ କଳାକାରମାନେ ଙ୍ଗଙ୍ଗଙ୍ଗ.ଙ୍ଗବଲଙ୍ଘ.ବଭବସ.ବଙ୍ଖଶମ.ସଦ୍ଭରେ ବିସ୍ତୃତ ବିବରଣୀ ପାଇପାରିବେ ।