ମୁରିବାହାଲ, (କେପିଏନ୍ଏସ୍) : ଲାଞ୍ଚ ନେଉଥିବା ବେଳେ ତହସିଲ ଅଫିସ ବରିଷ୍ଠ କିରାଣୀକୁ କାବୁ କରିଛି ଭିଜାଲାନ୍ସ ବିଭାଗ । ଏହି ଖବର ସାରା ଅଂଚଳରେ ଚର୍ଚ୍ଚାର ବିଷୟ ପାଲଟିଛି । ସୂଚନା ଅନୁସାରେ ବଲାଙ୍ଗିର ଜିଲ୍ଲା ମୁରିବାହାଲ ତହସିଲର ବରିଷ୍ଠ କିରାଣୀ ଅସିତ ଯୋଶୀ ଲାଞ୍ଚ ନେଉଥିବା ବେଳେ ଧରାପଡ଼ିଥିବା ଜଣାପଡ଼ିଛି । ଜମି ବାବଦରେ ପଟ୍ଟା କରାଇ ଦେବାକୁ ଲାଞ୍ଚ ନେଉଥିବା ବେଳେ ଧରିଛି ଭିଜିଲାନ୍ସ । ସୂଚନାରୁ ପ୍ରକାଶ ଯେ, ଅସିତ ଯୋଶୀ ସହାଜପାଣି, ପତରାପାଲି ଗାଁର ଥବିର ସାହୁଙ୍କଠାରୁ ଲାଞ୍ଚ ନେଉଥିଲେ । ଜମି ପଟ୍ଟା କରାଇ ଦେବାକୁ ୨୮ଶହ ଟଙ୍କା ଲାଞ୍ଚ ନେବା ବେଳେ ସେ ଗିରଫ ହୋଇଛନ୍ତି । ବଲାଙ୍ଗିର ଓ ବରଗଡ଼ ଭିଜିଲାନ୍ସ ପକ୍ଷରୁ ଏହି ଚଢାଉ କରାଯାଇଥିବା ଜଣାପଡ଼ିଛି ।