ପଦ ହରାଇଲେ ସରପଞ୍ଚ ଲତା, ନୂତନ ସରପଞ୍ଚ ଭାବେ ଦାୟିତ୍ୱ ଗ୍ରହଣ କଲେ ବିଜୟ

ସଇଁତଲା, (ଖୁସିରାଣୀ ସାହୁ) : ପଦ ହରାଇଲେ ସଇଁତଲା ବ୍ଲକ ବୁଢାବାହାଲ ଗ୍ରାମ ପଞ୍ଚାୟତର ସରପଞ୍ଚ ଲତା କୁମ୍ଭାର । ନାଏବ ସରପଞ୍ଚ ବିଜୟ ସେଲମା ପିନ୍ଧିଲେ ବିଜୟ ମୁକୁଟ । ଏବେ ନୂତନ ସରପଞ୍ଚ ଭାବେ ଦାୟିତ୍ୱ ଗ୍ରହଣ କରିଛନ୍ତି ବିଜୟ । ସୂଚନା ଅନୁସାରେ ଗତ ୩୦ ଜୁନ୍‌ରେ ସରପଞ୍ଚ ଲତାଙ୍କ ବିରୋଧରେ ଅନାସ୍ଥା ଭୋଟ ହୋଇଥିଲା । ସରପଞ୍ଚଙ୍କ ଅନାସ୍ଥା ଭୋଟରେ ୯ ଖଣ୍ଡ ଭୋଟ ବିଜୟଙ୍କୁ ମିଳିବା ପରେ ପାଖାପାଖ ୬ ମାସ ପରେ ପୂର୍ବତନ ସରପଞ୍ଚଙ୍କ ପଦବୀକୁ ରଦ୍ଧ କରାଯାଇଛି । ଜିଲ୍ଲାପାଳଙ୍କ ନିର୍ଦ୍ଦେଶ କ୍ରମେ ସରପଞ୍ଚ ଲତା ପଦ ହରାଇ ଥିବା ଜଣାପଡିଛି । ନୂତନ ସରପଞ୍ଚ ଭାବେ ବିଜୟ ସେଲମା ଦାୟିତ୍ୱ ଗ୍ରହଣ କରିଛନ୍ତି ।